Inspirational Thoughts of Ratan Tata in Marathi
जर जीवनात यशस्वी व्हायचे असेल तर यशस्वी व्यक्ती प्रमाणे काम केले पाहिजे आणि त्याने सांगितलेल्या मार्गावर चालायला पाहिजे. परंतु रतन टाटा असे मानत नाहीत. त्यांचे म्हणणे आहे की प्रत्येक व्यक्ती मध्ये काहीतरी विशेष गुण आणि विशेषता असते, त्यामुळे व्यक्तीला यश प्राप्त करण्यासाठी आपल्या गुणांची तसेच आपल्या क्षमतेची ओळख करायला हवी.
दुसऱ्याची नकल करणाऱ्या व्यक्ती थोड्या वेळेसाठी यश प्राप्त करतात परंतु जीवनात खूप पुढे जाऊ शकत नाही. मित्रानो हे शब्द आहेत रतन टाटा यांचे, ज्यांच्या विषयी आज आपण जाणून घेणार आहोत. मी आज त्यांची बायोग्राफी नाही सांगणार, कारण जगातील प्रत्येक व्यक्ती त्यांना चांगल्या प्रकारे जाणून आहे.
रतन टाटा यांनी बोललेले काही विचार हे आपल्या जीवनात खूप सकारात्मकता निर्माण करतात. आजच्या या व्हिडीओ च्या माध्यमातून आपण रतन टाटा यांचे काही अनमोल विचार जाणून घेणार आहोत जे तुमचे आयुष्य देखिल बदलू शकतात.
जीवनात केवळ चांगले शिक्षण किंवा चांगले करियर हे पुरेसे नसते, तुमचे एक ध्येय असायला हवे की जे तुम्हाला एक संतुलित आणि यशस्वी आयुष्य देऊ शकेल. मित्रांनो संतुलित जीवनाचा अर्थ आहे आपले स्वास्थ्य, लोकांशी आपले संबंध आणि मनाची शांती हे सर्व तुमच्याकडे असायला हवे. फक्त पैसे आणि संपत्ती कमावणे पुरेसे नाहीये.
विचार करा तुमचा कोणाशी ब्रेकअप झाला आहे, त्या दिवशी कंपनीत झालेले प्रमोशन हे तुमच्यासाठी काही आनंदाचे नसेल. जेव्हा तुम्हाला पाठीचा त्रास होतो आहे तेव्हा कार कितीही चांगली असली तरी ड्रायव्हिंग करायला आनंद भेटत नाही. जेव्हा तुमच्या डोक्यात तणाव असेल तेव्हा तुम्हाला शॉपिंग करायला मजा येणार नाही, हे जीवन तुमचे आहे आणि त्याला इतकेही गंभीर बनवू नका.
आपण सर्व या जगात काही वेळेचे पाहुणे आहोत, त्यामुळे जीवनाचा आनंद नक्की घ्या. परंतु दुसऱ्या यशस्वी लोकांकडून या गोष्टीची प्रेरणा नक्की घ्या की जर तो व्यक्ती यशस्वी होऊ शकतो तर मी का नाही? कारण प्रेरणा घेत असताना कधी आपले डोळे बंद ठेऊ नका. कायम आपल्या विचारानुसार आपल्या समस्येला आपल्या पद्धतीने सोडवायला बघा, याने तुमचं डोकं वेगाने चालायला लागते आणि ती समस्या तुम्हाला बोजा वाटनार नाही, आणि तणाव देखील निर्माण होत नाही.
मित्रांनो जगात करोडो लोक मेहनत करत असतात, तरी देखील सर्वांना वेगवेगळे परिणाम मिळतात, कारण यासाठी सर्वांची मेहनत करण्याची पद्धत जबाबदार आहे. त्यामुळे व्यक्तीला मेहनत करण्याच्या पद्धतीत सुधारणा करायला हवी.
हे खरे आहे की आपल्या सर्वांकडे सारखीच प्रतिभा नाहीये, परंतु आपल्याकडे समान वेळ आहे ,समान संधी आहे आपली प्रतिभा विकसित करण्यासाठी!
त्यामुळे प्रगती करत रहा आपल्या प्रतिभेला वाढवत रहा. सोबतच साधी राहणीमान आणि उच्च विचारसरणी या विचाराचे पालन कराल तर आयुष्यभर नक्कीच सुखी रहाल. दिखावा असणारे जीवन हे काही दिवस चांगले वाटते परंतु पुढे जाऊन हाती काही एक लागत नाही!
जर या लेखा मध्ये सांगितलेल्या गोष्टींशी तुम्ही सहमत असाल तर हा लेख शेअर करा ज्याने रतन टाटा यांचे हे विचार बाकी लोकांपर्यंत देखील पोचतील.